Riglyne vir die hersiening van omgewingsverwante wetgewing ter verwesenliking van die reg op toegang tot voldoende voedsel

Die ontwikkeling en implementering van wetgewing as maatreël ter verwesenliking van die reg op voedsel word as 'n internasionale en nasionale doelwit bestempel. Die Verenigde Nasies se Food and Agricultural Organization stel 'n drievlak-strategie vir die implementering van die reg op voedsel op nasionale wetgewende vlak voor, naamlik deur: (a) grondwetlike erkenning; (b) die ontwikkeling, aanneming en implementering van 'n voedselraamwerk-wet; en (c) die hersiening van relevante sektorale wetgewing.