Penicillin-Resistant Streptococci from the Saliva

SYNOPSIS IN INTERLINGUA STREPTOCOCCOS PENICILLINO-RESISTENTE ISOLATE AB LE SALIVA DE PATIENTES CON FEBRE RHEUMATIC.— Le presentia de streptococcos penicillino-resistente in le cavitate oral representa un periculo potential pro le salute general de patientes con febre rheumatic e congenite morbo cardiac quando illes se subjice a un tractamento dental. Esseva studiate le saliva de patientes con febre rheumatic sub tractamento penicillinic a diurne dosage oral. Le streptococcos hemolytic alpha e nonhemolytic esseva identificate per le tests morphologic e biochimic de uso in le microbiologia diagnostic. Le resultatos del studio monstra que 45 ex 58 patientes rheumatic (77,5 pro cento) habeva disveloppate lineas penicillino-resistente de streptococcos, in comparation con solmente 7 del 58 patientes de controlo (12 pro cento).