Entrevista: Víctor F. Freixanes. Un comunicador coa mirada diferente

Esta entrevista foi realizada no Cabo, un fermoso lugar de Brión xeneroso en mazás, peras e uvas, como xenerosa foi a collida de Víctor Freixanes e da súa familia. Para quen isto escribe, ademais da descuberta dun lugar de memoria (hibisco e roseiras xa para sempre), a conversa demorada e amable supuxo a posibilidade de encontro e de coñecemento. Esperamos que os lectores e lectoras de Madrygal tamén descubran a persoa e a obra de Víctor Freixanes a través das súas palabras.