Theori a Beirniadaeth Lenyddol Ffeministaidd a’r Ffeministiaid Ffrengig Ôl-Strwythurol

Ffenomen a ddatblygodd yn sgil y frwydr dros hawliau menywod yn y 1960au yw theori a beirniadaeth lenyddol ffeministaidd.¹ Yn debyg i ffeministiaeth ei hun, mae’n derm amwys ac nid hawdd yw ei ddiffinio; fel yr awgrymodd y newyddiadurwr Rebecca West yn chwareus yn 1913, ‘I myself have never been able to find out precisely what feminism is: I only know that other people call me a feminist whenever I express sentiments that differentiate me from a doormat or a prostitute.’² Erbyn heddiw mae theori feirniadol ffeministaidd a ffeministiaeth ei hun wedi datblygu yn feysydd eang a chymhleth. Peth cyffredin