Casgliad

Yn y cyflwyniad i’r gyfrol hon, soniwyd am y bwriad i ddefnyddio persbectif y Ffeministiaid Ffrengig Kristeva, Cixous ac Irigaray i oleuo profiadau corfforol beichiogrwydd a’r mislif yn ffuglen Gymraeg gan fenywod. Erbyn hyn, gobeithio yr amlygwyd nifer o gysylltiadau rhwng rhai o syniadau allweddol yr athronwyr hynny, yn enwedigéctriture féminine,y drefn semiotig,abjection,mimesis ac amser y fenyw â disgyrsiau sydd ymhlyg yn y cyfrolau dethol. Hyderir hefyd fod y trafodaethau yn y gyfrol hon wedi goleuo’r gwahanol swyddogaethau a briodolir i brofiadau corfforol yn y gweithiau dan sylw, a sut y mae’r rolau hyn wedi esblygu,