Liseylərdə “fizika” fənni üzrə problem əsaslı təlimdə “fişboun” üsulundan istifadənin əhəmiyyəti

Dünyada baş verən texnoloji proseslər liseylərdə “Fizika” fənninin tədrisi zamanı da diqqətdən kənarda qalmayıb. Əksinə, fizika dərsində yeni tədris modellərinin və metodlarının istifadəsi aktuallaşıb. Fizika dərsində PBL (Problem-Based Learning – problem əsaslı təlim) modeli və orada Fişboun təlim üsulunun diaqramından istifadə edilməsi bir çox mürəkkəb fizika qanunlarının daha dərindən mənimsənilməsinə kömək edir. Məqalədə liseylərdə fizika üzrə PBL dərslərin əhəmiyyəti və bu dərslərdə Fişboun diaqramından istifadədən bəhs edilir. Qeyd olunur ki, belə dərslər şagirdlərin elmi potensialını və tədris prosesi zamanı qarşılaşdıqları problemləri məntiqi baxımdan həll etmək qabiliyyətini yaxşılaşdırır. Ona görə də, liseylərdə Fişboun diaqramı ilə PBL dərslərin keçirilməsi məqsədəuyğun hesab edilir. Məqalədə həmçinin PBL dərslərinin tədris mərhələləri pedaqoji baxımdan Fişboun diaqramı ilə ətraflı təhlil edilir və bəzi nümunələr verilir.