Tânna Suliatsagijangit Nunatsiavut Taimangasuanit katingaKatigejut Pivalliatitsigiamut Nunalimmi Itsasuanittanik

Pigiasiutinga Tânna Nunatsiavut Taimangasuanit katimaKatigeKattajut, sakKititauKattajuk jâri tamât taimanganit 2010 ammalu kamagijauKattajut taikkununga Nunatsiavut kavamakkut Itsasuanitanik SuliaKapvinganut, katiutitsiKattajut inunnik ilauKatauKattajunut taimangasuaniusimajunut suliaKaKattajunut pisimajunit ilonnainit annigusuKattajunut Inuit Nunalinnit ammalugiallak kinakkutuinnanut KanuttogutiKaKattajunut uKâlautiKagiamut pitjutaujunut isumâlotigijaujunut ammalu sakKititsigiamut tugâgutitsanik taikkuninga kamagunnagiamut. Sukkajumik taimâk akKutiKaliaKisimajut kinakkutuinnanik ilautitsigiamut ilinganiKajunut taimangasuaniusimajunik pitjutaujunut ammalugiallak pannaigutiliugiamut ammalu ottugagiamut itsasuanitanik iluani nunagijaujunmut. Taikkua katimaKatigeKattajut atjigengitunik nunalinni jâri tamât, pivitsaKattisigiamut ullusiugiamut atjigengitunik piusigijaujunut atunik nunalinni ammalu sivulliutitsigiamut ilinganiKaluattunik atuKattagialinginnik. Itsasuanitak, tânna Kinugautigijaujuk nalunaittauluajunut nunalimmi suliatsanut, ammalu Kanuk suliagijaugajammangâmmik, uKâlautigijausimajut tamât katimaKatigeniammata ullumimut. Jâringani 2015, una SSHRC-ikajutsisimajut ikajuttigetlutik tuniggusiammik akungani Nunatsiavut kavamakkut ammalu Memorial Ilinniavitsuanga taijaujumut PiusituKak ammalu Asianottauvalliajut Akungani Labrador Inunginnut sanajausimajut kamagiamut nunalimmi taimangasuaniusimajunik isumâlotigijaujunut ammalu Kanuttogutigijaujunut sakKititausimajunut taikkutigona katimatsuaKattasimajunut ikajuttigenikkut itsasuanittaligijiujunut ammalu asigiallanut taimangasuanit ilisimallagijunut nunalinnut ikajugiamut Nunatsiavummik angutigiamut taikkuninga tugâgutinnik. Ullumi, ikajuttigennik matukasâlimmat, tunumut takuniavugut sunait pijagettausimammangâmmk, sunait ilinniatausimajut, ammalu Kanuk sivuppiaKatigegajammangâtta.