Unha aproximación ecocrítica á obra de Castelao

Esta lectura de breves fragmentos da obra de Alfonso Daniel Castelao tratará de amosar a rendibilidade dunha revisión ecocrítica da súa produción artístico-literaria. Partido de elementos básicos cunha presenza practicamente transversal na súa obra tentarase denotar a visión do autor no referente á natura e ó medio ambiente. Por unha parte, os elementos que se terán en conta pra tratar de achegar unha lectura alternativa da súa obra serán a figura do árbore, encadrado dentro da paisaxe, e da vaca, dentro do campo de análise dos Estudos Animais. Pola outra, tentarase de achegar información sobre a perspectiva artística do autor así como comparar a presenza dos devanditos elementos no resto das súas obras. Como obxectivo final, tentarase destacar a vertente ecocrítica do autor a través do seu legado.