Álvaro de las Casas, autor dramático. Unha estimanza

Entre 1926 e 1936, Álvaro de las Casas publica un total de dezaseis pezas dramáticas en lingua galega, de variada feitura e temática, e algunha novela relevante, ao tempo que desenvolve unha intensa actividade cultural e política, quer vinculada co catolicismo máis tradicional quer nun galeguismo de signo arredista que contribúe a conformar. Con este artigo, asentado nunha revisión de literatura e na análise desa súa obra, salientamos os trazos máis singulares da mesma e consideramos as achegas do autor ás nosas letras, mostrando igualmente como as súas idas e vindas polo espectro ideolóxico e político tamén se reflicten nesa obra literaria. Como conclusión destacamos a riqueza e diversidade desa creación dramática e os seus valores máis substantivos.