Efano lomahepeko

Ehangano lOundjolowele mOunyuni (WHO) ola fatulula omahepeko kutya "Elongifo leenghono nomake tali ningwa nelalakano, taku ningwa omatilifo ile tashi ningwa shili, to e liningile mwene ile to a ningile ongudu yovanhu nelalakano lokuyehameka, okweetifa efyo, okuyehameka kwomomadiladilo, okukula kwa kambela ile okwaanyenwa oufemba wonhumba." Omushangwahokololo wEhangano lOundjolowele mOunyuni (WHO) u na sha nOundjolowele nOmahepeko otau kendabala okuuda ko oitukulwa ihapu yomaukwatya omahepeko mokutaalela eendodo nhee da yooloka - ondodo yoohandimwe, yomakwatafano pokati kovanhu, yovanamikunda noyovakwashiwana aveshe. Ngeenge hatu tale kombinga yomahepeko moNamibia, oshiwa ngeenge hatu longifa omikalo edi mokundjadjukununa nokukonakona oyeetifi yomahepeko ponghatu keshe. Omikalo domalihumbato edi da tulwa po kovanamukunda nado otadi dana onghandangala momahepeko. Oshihopaenenwa, eenghundafana dovanamukunda di na sha noonakunyona osho yo oihakanwa yomahepeko moNamibia ngaashi ya ningwa molopota i na sha nOmahepeko Ounona Opakuya Momilele no HIV oya holola omalimbililo nokai Ii pauyuuki. Nonande pa Ii eudafano kutya omahepeko ounona opakuya momilele oku Ii oupyakadi wakula noonakuhepeka ounona pamukalo ou kakwa Ii tava dulu okutambulwa ko, ounona vahapu va hepekwa pamukalo ou ohava pelwa oushima omahepeko oo va ningilwa nohava dengwa nokuli kovadali vavo ngeenge ve va hololele osho va ningilwa. Ovakaulinyanga vahapu ohava pewa eyambidido keefamili davo, kookaume nokovanamukunda wavo. Ovashangi volopota i na sha nOmahepeko Ounona Opakuya momilele no HIV ova yandja elondwelo kutya oinima ei ihe shi okutambulwa ko oyo tai kaleke po oupyakadi womahepeko ounona e na sha nokuya momilele. Omikalo dopashiwana da pamba efiloshisho lokaana nado otadi dana onghandangala yakula mokulepeka omahepeko. Omikalo edi omafimbo amwe ohadi yandje omanwefemo, nokudja opo otadi shiivifile oveta. Momushangwahokololo wounyuni omo tamu popiwa kombinga yomahepeko haa ningilwa ounona omwa ulikwa kutya mounyuni aushe, mahapu omomahepeko oo haa ningilwa ounona oku Ii paveta, a pitikwa kepangelo nokwa diminwa panghalafano. Onghalo ei opo i Ii nande oya kwatela mo enyonauno leemhumbwe dounona dopakukula, nomapangelo oku na oinakuwanifwa yomaufemba opanhu. Ope na eshongo eli Ia pumbwa okulundululwa moshitukulwa omu shaashi omahepeko oo haa ningilwa ounona luhapu ohaa tambulwa ko Ongoshinima shopamufyuululwakalo' île a talwe ko Ongomukalo wedulikifo'.